مش متاحة دلوقتي
ساعة مع محمود.. على شغلك انت
مكالمة فيديو لوحدك مع محمود فودة: بتعرض شغلك أو مشروعك الجاي، بتسأل اللي محيّرك، وتقفل المكالمة ومعاك خطوات واضحة تبدأ بيها.
أونلاين من أي مكان، والمواعيد بتظهرلك بتوقيتك
الاستشارات مش متاحة دلوقتي
محمود مش فاتح مواعيد جديدة دلوقتي. سيب بياناتك وهنبلّغك أول ما المواعيد تتفتح.
ليه ساعة تفرق؟
بدل ما تجرّب لوحدك شهور، اسأل اللي جرّب قبلك
-
خبرة من لوكيشنات حقيقية
محمود مخرج ومدير تصوير بقاله أكتر من 10 سنين بيصوّر أفلام وثائقية وإعلانات لبراندات. الإجابات جاية من شغل اتعمل فعلاً، مش من كلام نظري.
-
إجابات على شغلك انت
الكورس بيشرح للكل، والاستشارة على مقاسك: اللقطة اللي مش عاجباك، الإضاءة اللي مش راكبة، والعميل اللي مش عارف تسعّرله.
-
تخرج بخطة
مش نصايح وخلاص: بتحددوا سوا تعمل إيه الأسبوع ده والشهر الجاي، وبيوصلك ملخص مكتوب بعد الجلسة.
-
توفّر وقت وفلوس
سؤال واحد صح قبل ما تشتري معدات أو تقبل مشروع ممكن يوفّرلك أضعاف تمن الساعة.
هتاخد إيه
اللي ممكن نشتغل عليه في الجلسة
- مراجعة لشغلك أو الريل بتاعك، وإيه اللي يرفع مستواه
- تجهيز الكاميرا والإضاءة لتصوير جاي عندك
- تسعير شغلك وإزاي تتكلم مع العميل
- المعدات المناسبة لميزانيتك قبل ما تشتري
- خطة لمسارك كمصوّر فيديو
- ملاحظة مكتوبة بعد الجلسة فيها خطواتك الجاية
مناسبة لمين
الاستشارة مناسبة ليك لو
- بتصوّر بقالك فترة وحاسس إن مستواك واقف
- عندك مشروع أو عميل كبير وعايز تدخله واثق
- ناوي تشتري معدات ومش عارف تبدأ بإيه
- عايز تحوّل التصوير لشغل بدخل ثابت
أسئلة
قبل ما تحجز
محتاج إيه عشان أحضر الجلسة؟
موبايل أو كمبيوتر عليه نت كويس، ومكان هادي. رابط الجلسة بيوصلك على الإيميل وفي صفحة الحجز في حسابك.
ينفع أغيّر الميعاد؟
أيوه، من صفحة الحجز في حسابك لحد قبل الجلسة بيوم. لو حصل ظرف بعد كده، كلّمنا على واتساب.
أنا برّه مصر، المواعيد هتظهر إزاي؟
المواعيد بتظهرلك بتوقيت بلدك لوحدها، وبتدفع بالدولار. وإيميل التأكيد فيه الميعاد بتوقيتك.
بدفع إزاي؟
أونلاين بالكارت، أو من مصر بتحويل إنستاباي أو فودافون كاش. التحويل بيتأكد بعد ما الفريق يراجعه، وميعادك بيفضل محجوزلك لحد كده.
ينفع أسجّل الجلسة؟
اسأل محمود في أول الجلسة واتفقوا سوا.